Icy最鍾意嘅沙律第一名係乜？

3,2,1...開估，係估佢唔到嘅日式粟米南瓜蛋沙律。

其實Icy不嬲都係一個知慳識儉兼注重健康嘅好老婆，

佢話呢個沙律係佢舊時做記者同同事分享嘅菜式，

食材夠平，做法簡單，南瓜、蛋、粟米呢個配搭又特別有營養。

重點係轉一轉個醬汁，同埋加一樣材料，馬上吸引到小朋友注意﹗睇片話你知！

你又鍾意用乜食材整沙律呢？留言傾吓啦～

材料：（2人份）

南瓜 1個

粟米 1條

雞蛋 1隻

鹽 少許

沙律 適量

黑胡椒 適量

飯素 適量

做法：

南瓜清洗乾淨，去掉南瓜籽，去皮並切大塊，加適量鹽調味，中火蒸15至20分鐘

雞蛋烚至全熟，剝殼，切小粒備用

粟米烚熟去衣，起粒

南瓜壓蓉，加入粟米，再加入沙律醬及黑胡椒攪拌，最後才加入雞蛋粒，和適量飯素點綴